READDINGZ: BALANI-13-Dakilang-Ina-Tagahubog-ng-Kabayanihan

.

DAKILANG INA,

TAGAHUBOG NG

KABAYANIHAN

Mapagkalingang tapang
Ang nasa katauhan
Ng mga Inang nagsilang.
Nag-iwi at humubog
Sa dalawang dakilang
Mga pangunahing bayani
Ng ating Inang Bayan,
Sina Catakina de Castro-Bonifacio,
At Teodora Alonzo-Mercado (Rizal).
Hindi nagkataon lamang
Ang dakilang pagkatao
Ng nauna at kasalukuyang
Mga Bayani ng ating Lahi!

--Balani Bagombuhay
Disyembre 19, 2011
.
(Taglay nito ang inspirasyon
ng tulang akda ni Katalino Maylayon
na pinamagatang KAINAHAN,
KABALIGTARAN NG KAHINAAN)

Kababaiha'y palagiang itinuturig na mahina
Ng lipunang nagpapapurol sa isip niya't diwa
Pumipigil na katawan niya'y gawing masigla
Pinag-uukulan siya ng mapanghamak na aruga.

Mahina raw ang katawan! Baka sa paligsahan
Sa paggamit ng bisig sa mabilis at panandalian,
Ngunit sa tibay, sa pangmatagalan, mahina nga kaya
At sa tatag ng dibdib, kahinaan ba ang lumuha?

Ah, kung nagagawa lang masukat ng lipunan
Hirap-katawang kinasanayan na ng Kababaihan,
Mula sa pasakit ng pagdurugo niyang buwanan
Hanggang hirap magdalantao at kirot ng magsilang.

At matapos ang paulit-ulit niyang pagsisilang,
Sanggol ay palagian pa niyang pinagpupuyatan.
Malaki na'ng mga bata'y siya pa rin ang umaalalay,
Gumagawa sa tahanan, sabak pa rin sa hanapbuhay!

Kababaiha'y itinuturing na mahihina lamang
Ng sa ating lipunan, mapupurol nga ang isipan,
Malabo'ng mga mata, tumatanggi sa katotohanang
Ang kainahan ay kalakasan, baligtad ng kahinaan!

Katalino Maylayon
Marso 7, 1996

Iba pang mga Aral ng "BALANI":

12. Kamalaysayan-ng-Balani

http://readdingz.blogspot.com/2011/12/balani-12-kamalaysayan-ng-balani.html

11. Balani'y-Kilalanin-Ipakilala-Ayunan-Pa

http://readdingz.blogspot.com/2011/12/balani-11-balaniy-kilalanin-ipakilala.html

10. Kaalaman-ukol-sa-Kaalaman

http://readdingz.blogspot.com/2011/12/balani-10-kaalaman-ukol-sa-kaalaman.html

9. Saligang-Aral-Pagiging-Tao

http://readdingz.blogspot.com/2011/12/balani-9-saligang-aral-pagiging-tao.html

8. Tunay-Limitasyon-Lumalaking-Kakayahan
http://readdingz.blogspot.com/2011/12/balani-8-tunay-limitasyon-lumalaking.html

7. Sanib-Loob-Kamalayang-Iisa

http://readdingz.blogspot.com/2011/11/balani-7-sanib-loob-kamalayang-iisa.html

6. TIWALAAN -- Kailangan ng Bayanihan

http://readdingz.blogspot.com/2011/11/balani-6-tiwalaan.html

5. “Prinsipyo, Pamayanan, at mga Kaanib ng SanibLakas

http://readdingz.blogspot.com/2011/11/balani-5-prinsipyo-pamayanan-at-mga.html

4. “Paglikha ng Karagdagang Lakas ang Pagsa-SanibLakas
http://readdingz.blogspot.com/2011/11/balani-4-paglikha-karagdagang-lakas.html

3. “Kalooban ang Talagang Mauuna sa Anumang Pagsa-SanibLakas…”
http://readdingz.blogspot.com/2011/11/balani-3-kalooban-talagang-mauuna.html

2. “Kusang-loob Kong Babasahin ang mga Aral ng Balani…”
http://readdingz.blogspot.com/2011/11/balani-2-pagkukusa-mga-aral.html

1. “Saligang Aral ng Balani: Kaisahan ng Kabuuan at Bahagi”
http://readdingz.blogspot.com/2011/11/balani-1-kabuuan-bahagi.html

T--Balani Bagombuhay
K12-19-2011

Taglay nito ang inspirasyon
SNg tula ni Katalino Maylayon
Kaya’t sa Kasaysayan, walang sisihán!
Payak na pagmememorya ay kalimutan,
Buhayin ang Kamalayán sa Kasaysayan!
.